„Во светот на децата“ 👶🎨 Работата во советувалиштето во ЈУДГ ОЦ „13 Ноември“ – Скопје ја врши мултидисциплинарен тим составен од: педагог, социјален работник, лекар, психолог, дефектолог, воспитувач. Во установата е обезбедена посебна просторија за потребите на советувалиштето која е опремена со разновиден едукативен материјал и литература (разни дидактички материјали, брошури, игровен материјал, стручна литература за возрасни, литература за деца и сл.). Во просторијата се обезбедени и аудио-визуелни средства (ЦД плеер, касетофон, камера, фотоапарат, прожектор и видео бим).

Советувалиштето има за цел:

1. Советување за деца 🧒

• Помош во прилагодување на децата кон условите на средината во детската градинка;
• Помош при премин на децата од една во друга воспитна група или од една во друга градинка и транзиција во училиште;
• Помош на деца со развојни проблеми;
• Поттикнување на личниот развој на детето;
• Помош преку планирање на активности, за децата да се запознаат со своите права и обврски во рамките на градинката и пошироко.

2. Советување за родители 👨‍👩‍👧‍👦

• Семејно советување (со двајцата родители);
• Педагошко советување;
• Поддршка на родителите во обезбедувањето на оптимални услови за развој на детето во семејната средина;
• Решавање на комплексни воспитни, педагошки прашања;
• Превентивни активности и развој;
• Активности за планирање, мониторинг и евалуација на заеднички постигнатите резултати;
• Помош преку разни активности – советодавни, образовни, организациони.

3. Советување за раководството 🏫

• Поддршка во процесот на реализација на националниот и курикулумот на градинката;
• Помош и поддршка на професионалниот развој;
• Давање на советодавни услуги во секојдневното работење;
• Советување во организацијата и спроведувањето на секојдневниот живот и работа во градинката;
• Советување за обезбедување на човечки и материјални ресурси и интеграција на децата со посебни потреби;
• Советување за истражувачка и аналитичка работа, како и за учество во развојни, превентивни и иновативни проекти;
• Советување за подобрување на постоечките и иницирање нови форми на соработка со родителите.

4. Соработка со надворешни заедници и институции 🌐

• Проекти за советување во градинка;
• Организирање и учество во стручни советувања;
• Соработка со институции за обука, педагошки факултети;
• Теоретски предавања и работилници;
• Соработка со медиуми и афирмирање на градинката.