Децата од објектот Кукушка, традиционално, земаа активно учество во одбележување на Меѓународниот ден на жената 8^ми Март во галеријата на Детскиот културен центар Карпош. Најнапред ја разгледаа изложбата на детски творби и честитки на тема „Играм и пеам за мојата Мајка“, а потоа имаа ретка можност да ја запознаат првата жена пилот во Македонија, на која и поставуваа бројни прашања поврзани со професијата пилот. На крајот се претставија со рецитал со кој го честитаа 8-ми Март на сите жени од целиот свет.